طريقة عمل الكوارع وفتة الكوارع

الكوارع هى اكلة شعبية مصرية شهيرة , يكثر اكلها فى فترة عيد الاضحى و فى باقى ايام السنة ايضأ , تقدم فى بعض المطاعم , مفضلة بشدة لدى البعض , و لكن ترى بعض الزوجات والامهات ان طريقة تحضيرها صعبة ومعقدة , ولكننا فى هذا المقال سنوضح طريقة عمل الكوارع و فتة الكوارع و صوص الطماطم وطشة الثوم المميزةباسهل الطرق و اشهاها , وايضا سنوضح طريقة عملها بالفيديو لمتابعة الخطوات بدقة .

فى البداية: شرح بالفيديو
طريقة عمل الكوارع وفتة الكوارع و صوص الطماطم و طشة التوم
.



اولا : مقادير و خطوات عمل الكوارع

- مقادير الكوارع

فرد كوارع ( كندوس او بتلو ) 

جزر - كرفس - كرات 

ربع معلقة جنزبيل و 3 حبات حبهان و مستكة

فلفل اسود حب 

ملح 

ورق لورا 

بصل 

اعشاب ( اى اعشاب يمكن استخدامها فى السلق ) 

جوز الطيب 

طماطم بورية

- خطوات طريقة عمل الكوارع 

عند شراء الكوارع نطلب كوارع بتلو مخلية ( يفضل شراء الكوارع البتلو لانها سرعة التسوية عكس الكوارع الكندوس فحجمها كبير )

نغلى كمية من الماء لمدة نصف ساعة , بعد ذلك نضيف الى الماء ورق اللورا و الفلفل الاسود , الجنزبيل و جوز الطيب و البصل و الجزر والكرفس والاعشاب ونتركهم لمدة 3 دقائق .

يتم فتح الكوارع من ناحية المفاصل بسكين قوى ( موضح فى الفيديو ) ثم نضعها فى الماء والتوابل  وتترك من ساعة الى ساعة ونصف .

يتم اخراج الكوارع و نخليها من العضم و نقوم بتقطيعها الى اجزاء صغيرة ( موضح فى الفيديو ) و ( يمكن وضع اجزاء صغيرة منها فى الفتة ) نضع الاجزاء بالاضافة الى الطماطم البورية و نقطة زيت فى صينة ونضعها فى الفرن لمدة دقائق .

يمكن وضع شوربة الكوارع على الفتة او فى اطباق على حسبة الرغبة .



ثانيا : مقادير و خطوات عمل فتة الكوارع

- مقادير فتة الكوارع 
.
كوب رز على كوب ماء

نص ثوم

ورق لورا

ملح  

زبدة 

رغيف عيش يحمر مع ملعقة زبدة


- خطوات طريقة عمل فتة الكوارع 
.
نضع الزبدة فى الحلة ع النار و نقلبها حتى تسيح >> نضع الرز ونقلبه جيدا مع الزبدة و نتركه حتى يسخن قليلا >> نضع الماء الى الرز بعد تسخينه , ونجعل درجة النار منخفضة ويترك ليستوى .

نقلب الرز من اجل تسوية سليمة .


بالنسبة للعيش ( نقطع العيش البلدى قطع صغيرة ونضيف اليه مكعب زبدة او مكعبين و كمون و توم و نقلبهم جميعا ) ثم نضعه فى الفرن فى طاسة و نخرجه بعد ان يتحمصوا و يوضع بعد ذلك داخل الرز بالاضافة الى طشة الثوم و صوص الطماطم .


ثالثا : مقادير و خطوات عمل صوص الطماطم

- مقادير صوص الطماطم
.
2 حبة طماطم

طماطم بورية

نص كوب ماء

ملح و فلفل

كمون

زيت او سمن


- خطوات طريقة عمل صوص الطماطم
.
نقطع الطماطم ونضعها فى الخلاط بالاضافة الى نصف كوب ماء و نشغل الخلاط و يمكن تصفية الطماطم من الماء او تركها حسب الرغبة .

نضع عصير الطماطم الى حلة و (نضع عليها ثوم حسب الرغبة) >> نضع عليها بعد دقائق الكمون و الملح والفلفل >> نضع عليها معلقتين طماطم بورية لظبط لونها

تترك من 10 ل 12 دقيقة على النار مغطاه حتى يساعد البخار على تسويتها .




رابعا : مقادير و خطوات عمل طشة الثوم

- مقادير طشة الثوم
.
ملعقة سمن او زبد

3 ملاعق ثوم

كسبرة ناشفة

2 ملعقة خل


- خطوات طريقة عمل طشة الثوم
.
نضع الزبدة فى طاسة حتى تسيح جيدا ثم نضع الثوم المفروم و الكسبرة الناشفة ثم نتركها تتحمر قليلا لمدة دقائق و نضع الخل فى النهاية .



طريقة عمل الكوارع وفتة الكوارع | طريقة عمل الكوارع بالخل و التوم  | كيفية و طريقة عمل الكوارع و خطوات فتة الكوارع بالخل والثوم

التعليقات

بأمكانك اضافة تعليقك على طريقة الشرح و اضافة اى استفسار حول الموضوع و ايضا نتمنى ان تقييم الموضوع من حيث درجة الاستفادة منه
تعليقات
0تعليقات

0 التعليقات

اختار ملف تعريفك و اكتب تعليقك